Английн Саффолк мужийн Садбери хотын “St Gregory” бага сургуулийн гурав, дөрөвдүгээр ангийн 50 орчим сурагч Лондонд сургуулийн аяллаар явж байхдаа Холливуудын алдарт жүжигчин, бөхийн од Дуэйн Жонсонтой уулзсан нь тэдний хувьд мартагдашгүй дурсамж болжээ.
Энэ уулзалт санамсаргүй биш байжээ. Сургуулийн сурагчид оны эхээр “The Rock”-д зориулсан хөгжилтэй бичлэгийг олон нийтийн сүлжээнд нийтэлсэн нь сая сая хүний хандалтыг авч, эцэст нь жүжигчний анхаарлыг татсан байна. Үүний дараа тэрбээр хүүхдүүдэд зориулан видео мэндчилгээ илгээж, шинэ “Moana” киног үзүүлэхээр бүхэл бүтэн кино театрыг түрээслэн, сурагчид болон тэдний гэр бүлийнхний тасалбар, попкорн, амттаны зардлыг өөрөө даахаар амлажээ.
Сургуулийн захирал энэ өдрийг хүүхдүүдийн амьдралын хамгийн онцгой мөчүүдийн нэг болсон гэж хэлсэн бөгөөд дэлхийн хамгийн алдартай кино оддын нэг бага насны хүүхдүүдтэй ийнхүү чин сэтгэлээсээ цаг гарган уулзсан нь тэдэнд маш их урам зориг өгсөн гэж онцолжээ. Харин “The Rock” хүүхдүүдийн баярласан сэтгэлийг хараад өөрөө ч их баярласан бөгөөд тэдний эрч хүч, хөөр баясал түүнд хүчтэй сэтгэгдэл төрүүлсэн гэж ярьсан байна.
