Гангар дуутай ангир шувуу
Гандах намраар нисээд одноо
Арван наймтай аавын хөвгүүд
Ардын цэрэгт тэнцээд мордоно
Хүүшлэх намрын уянга тээсэн
Хүний сэтгэлд уйтгар тээсэн
Жил жилийн шаргал өдрүүд
Жив жирийн цэнхэр хоногууд
Хонгор дуутай ангир шувуу
Хойтон хавраар буцаад ирнэ
Саран хөмсөгт сайхан охидууд
Санан санан чамайг хүлээнэ
Хүүшлэх намрын уянга тээсэн
Хүний сэтгэлд уйтгар гээсэн
Жил жилийн шаргал өдрүүд
Жив жирийн цэнхэр хоногууд
