Гунигт дуу бүү аял, хонгор минь
Гунигт дуу бүү аял, хонгор минь
Гунигт дуу бүү аял, амраг минь
Ариг цагаан саран хиртэж
Алсад жингийн цуваа саатна
Айлын минь бүсгүй зовж
Алтан цэцгийн дэлбээ хумина
Уйтгарт дуу бүү аял, янаг минь
Унаган багын дурдатгал бүдгэрч
Уулын царманд гөрөөс улдана
Хурын усанд газар хэлтийж
Уран цагаан хус унана
Уйтгарт дуу бүү аял, янаг минь
Хөгжилтэй дуу аял, хонгор минь
Хөвчийн гүнд гургалдай жиргэж
Хөхөөн дуу горхитой хоршино
Хүний үр ээжийгээ санаж
Харийн газраас яаран эргэнээ
Яруухан дуу аял бүсгүй минь
Явуулын хүн түр саатаж
Янагаа үгүйлэн жаргана
Янзагаа эрхлүүлэн шаргачин амарна
Яргуйн дэлбээг зөөлөн үнэрлэнэ
Хөгжилтэй дуу аял хонгор минь
Яруухан дуу аял бүсгүй минь
Хөгжилтэй дуу аял хонгор минь
