-Хүч чадал, хүн чанараас эхэлнэ-
“Хан хуур” пикчерсийн шинэ уран бүтээл “Овгор” уран сайхны киноны анхны тизер постер албан ёсоор цацагдаж, кино сонирхогчдын хүлээлтийг эхлүүллээ.
1980-аад оны Монгол орны амьдрал, хүний мөн чанар, хүч чадал, нөхөрлөл, сонголтын үнэ цэнийг өгүүлэх энэхүү бүтээлд Монголын тайз, дэлгэцийн урлагийн шилдэг уран бүтээлчид нэгджээ.
Тус кинонд Монголын кино урлагийн өнгийг тодорхойлж буй Гавьяат жүжигчин С.Болд-Эрдэнэ, Гавьяат жүжигчин С.Ариунбямба, Гавьяат жүжигчин Ц.Цэрэнболд, жүжигчин Г.Эрхэмбаяр нар хамтран тоглож байгаа бөгөөд тэдний дэлгэцэн дээрх хамтын ажиллагаа үзэгчдийн онцгой хүлээлтийг төрүүлээд байна.
Шинэхэн цацагдсан тизер постер нь киноны уур амьсгал, өнгө төрхийг анхлан мэдрүүлэхийн зэрэгцээ “Хүч чадал, хүн чанараас эхэлнэ” гэх үндсэн мессежийг үзэгчдэд хүргэж байгаа юм.
“Овгор” уран сайхны кино 2026 оны аравдугаар сард Монгол Улсын бүх кино театруудаар албан ёсоор нээлтээ хийхээр төлөвлөгдөж байгаа бөгөөд ойрын хугацаанд тизер трейлер болон сурталчилгааны дараагийн контентууд үе шаттайгаар үзэгчдэд хүрэх юм.
Киноны талаарх дэлгэрэнгүй мэдээлэл, шинэчлэлтүүдийг албан ёсны сувгуудаар хүлээн авч үзээрэй.
https://www.facebook.com/KhankhuurPictures
https://www.facebook.com/OvgorOfficial/
