Английн алдарт “Black Sabbath” хамтлагийн гоцлол дуучин, “Харанхуйн хунтайж” гэгддэг домогт рок дуучин Оззи Осборн таалал төгссөний нэг жилийн ой болж байна. Эл ойгоор түүний эхнэр Шэрон Осборн шүтэн бишрэгчдэдээ хандан энгийн боловч сэтгэл хөдөлгөм уриалга дэвшүүлжээ.
Тэрбээр “Оззиг дурсахыг хүсвэл түүний хөгжмийг чангаар тавьж сонсоорой” хэмээн хэлсэн байна.
Шэрон Осборны хэлснээр Оззи хүмүүсийг уй гашууд автахыг биш, харин түүний хөгжмийг сонсож, амьдралын баяр баясгаланг мэдрээсэй гэж үргэлж хүсдэг байсан аж. Түүний хувьд Оззигийн өв бол зөвхөн дуу хөгжим бус, олон сая хүнд өгсөн эрч хүч, урам зориг юм.
Оззи Осборн 2025 оны долдугаар сарын 22-нд 76 насандаа таалал төгссөн юм. Түүний нас барсны нэг жилийн ойгоор Английн төрөлх хот Бирмингемд анх удаа “Ozzy Day” арга хэмжээг зохион байгуулж, амьд хөгжмийн тоглолт, хүндэтгэлийн үзүүлбэр, урлагийн инсталляци зэрэг олон үйл ажиллагаагаар рок хөгжмийн домгийг хүндэтгэн дурсаж байна.
