БНСУ-ын BTS хамтлагийн гишүүдийн хөлбөмбөгийн ДАШТ-ий финалын завсарлагаагаар ая дуугаа өргөхдөө өмссөн хувцсыг хандивын дуудлага худалдаанд оруулжээ. Гишүүн болгоноос нэг зүйл гаргасан бөгөөд хүрэм, өмсгөл, ороолт, бүс, өмд, гутал, бээлий гээд нийт долоон эд зүйл тавигджээ. Мөн хамтлагийн гишүүдийн гарын үсэгтэй албан ёсны бөмбөг бас бий. Анхны үнэ 100 ам.доллар бөгөөд хэн ч худалдаанд оролцох боломжтой. “Christie’s”-ийн энэхүү цахим дуудлага худалдаа энэ сарын 29 хүртэл үргэлжилнэ.
Зохион байгуулагчдын мэдээлснээр BTS-ээс гадна ДАШТ-ий финалын шоунд оролцсон уран бүтээлчид мөн дуудлага худалдаанд оролцох гэнэ. Зорилго нь нийт 100 сая ам.доллар цуглуулж, FIFA-гийн боловсролын “Global Citizen” санд хандивлаж, хүүхэд багачуудын спортоор хичээллэх хүслийг дэмжих явдал гэнэ.
