“Чингис хаан” үндэсний музейн санаачлагаар дөрөв дэх жилдээ “ЮНЕСКО”-ийн Дэлхийн өвд бүртгэгдсэн “Бурхан Халдун” хайрхан, “Орхоны хөндий”, болон Монголын эзэнт гүрний нийслэл Хархорумыг холбосон түүх, соёлын дурсгалт газруудаар аялж, хаад язгууртны өв соёлыг судлах, сурталчлах, түүх соёлын аялал жуулчлалын шинэ маршрут бий болгож, хөгжүүлэхээр ажиллаж байна.
Үүнд:
- Монголын хаад язгууртантай холбоотой түүхэн дурсгалт газруудыг судалж, түүх, соёлын өвийг түшиглэсэн аялал жуулчлалын шинэ маршрут хөгжүүлэх;
- Орон нутгийн онцлогт тохирсон түүх соёлын аялал жуулчлалын шинэ бүтээгдэхүүн үйлчилгээ, эвентийг хөгжүүлж, тогтмолжуулах;
- Түүх, соёлын дурсгалт газруудыг уялдуулсан контент боловсруулах;
- Монгол адууны соёл болон ЮНЕСКО-гийн биет бус соёлын өвд бүртгэгдсэн “Хөхүүрийн айраг исгэх уламжлал, холбогдох зан үйл”-ийг сурталчлах, танин мэдүүлэх;
- Түүхэн дурсгалт дурсгалт, газар, дурсгал бүхий газруудад судалгаа хийж, төр хувийн хэвшлийн хамтын ажиллагааг өргөжүүлэх, нутгийн иргэдийн оролцоог нэмэгдүүлсэн аялал жуулчлалыг хөгжүүлэх;
- Гадаад дотоодын жуулчдын урсгалыг нэмэгдүүлж, уламжлалт нүүдлийн аж ахуйг аялал жуулчлалын эргэлтэд оруулах, орон нутагт эдийн засгийг дэмжлэгийг бий болгох;
Ерөнхий зохион байгуулагч:
- Соёл, спорт, аялал жуулчлал, залуучуудын яам
- Чингис хаан Үндэсний музей
- Төв аймгийн Соёл, урлаг, аялал жуулчлал, залуучуудын газар
Хамтран зохион байгуулагч:
- Төв аймгийн ЗДТГ
- Төв аймгийн Баянцагаан сумын Адуучин холбоо
- “Хөх бичиг” Бичиг соёлын Академи
- Занабазарын нэрэмжит Дүрслэх урлагийн музей,Хархорум музей, Эрдэнэзуу музей, Дэлхийн Өв-Орхоны хөндийн соёлын дурсгалт газрын хамгаалалтын захиргаа
