Жүжигчин Хван Жүн Миний хувийн амьдралтай холбоотой мэдээлэл долдугаар сарын 29-нд цахим орчинд тарж, олон нийтийн анхаарлыг татлаа. Тухайн постыг нийтэлсэн хүн өөрийгөө жүжигчинтэй романтик харилцаатай байсан гэж мэдэгдэж, мессежийн зураг, дуудлагын бүртгэл гэх материалыг хавсаргасан гэжээ.
Мөн нийтлэл бичсэн хүн Хван Жүн Мин зураг авалтын үеэр ч өөртэй нь холбоо барьж байсан, уулзах санал тавьсан гэх зэргээр мэдэгджээ. Түүнээс гадна дуудлагын бүртгэл, хадгалсан холбоо барих мэдээлэл, дуут мессеж, телевизийн нэвтрүүлэгтэй холбоотой бичлэг зэрэг олон төрлийн материалыг нийтэлсэн гэв.
Харин Хван Жүн Миний агентлаг “Sem Company”-ээс цахим орчинд тарж буй цуурхлын эсрэг хатуу хууль ёсны арга хэмжээ авахаа мэдэгдсэн байна. Мөн тус агентлаг “Цуурхал тараасан эл хүн нь Хван Жүн Минийг тасралтгүй дарамталж ирсэн сталкинг хэрэгт сэжиглэгдэж буй этгээд. Бид аль хэдийн эрүүгийн гомдол гаргасан” гэж мэдэгджээ. Түүнчлэн шүүх тухайн сэжигтний эсрэг хязгаарлах захирамж зэрэг түр арга хэмжээг нийт гурван удаа гаргасан бөгөөд мөн уг этгээд сталкинг үйлдэлд буруутай нь тогтоогдож, 3 сая вон буюу ойролцоогоор 2,000 ам.долларын торгууль ногдуулсан захирамж гаргасан гэж агентлаг мэдэгджээ.
