Уг бүтээл нь Теннесси мужийн Смоки уулсын энгийн даруухан амьдралаас эхлэн дэлхийн хэмжээний супер од болсон түүний замналыг өгүүлэх бөгөөд “Jolene”, “9 to 5”, “I Will Always Love You” зэрэг алдарт дуунуудын хамт шинээр бичсэн бүтээлүүд ч багтах юм.
Мюзиклийг “Тони”-гийн шагналт найруулагч Бартлетт Шер найруулсан бөгөөд Долли Партон өөрөө зохиолд хамтран ажиллаж, продюсероор нь оролцжээ. Тэрбээр энэхүү бүтээлийг “Олон жилийн мөрөөдөл” бөгөөд “Миний бүх амьдрал яг л нэгэн мюзикл байсан” хэмээн тодорхойлсон байна.
Тус мюзикл өмнө нь Нэшвилл хотод амжилттай тоглогдсон бөгөөд “Бродвей”-н урьдчилсан тоглолтууд 2026 оны арванхоёрдугаар сарын 7-нд эхэлж, албан ёсны нээлт нь 2027 оны нэгдүгээр сарын 19-нд буюу Долли Партоны 81 насны төрсөн өдрөөр болох юм.
