“Blackpink” хамтлагийн гишүүн, дуучин Женни энэ долоо хоногийн сүүлээр “Fallen Angel” нэртэй шинэ богино хэмжээний цомгоо гаргана гэж түүний агентлаг “OA” өнөөдөр /2026.08.24/ мэдэгджээ. Женни пүрэв гарагт гурван дуутай богино хэмжээний цомгоо цахимаар цацаж, дараа нь биет хувилбараар гаргахаар төлөвлөж байгаа аж.
Цахим цомогт “Fallen Angel”, “Less than a Lover”, “Heaven” дуунууд багтах юм. Биет хувилбарт Женни фэнүүддээ зориулж сонгосон “Sweettooth”, “Lockitdown”, “Face” уран бүтээлүүд нэмэлтээр багтана. Женни шинэ цомгийнхоо талаар “Эдгээр дуунууд эцэст нь “Fallen Angel” цомгоор гарч байгаад би маш их баяртай байна. Та бүхэн уран бүтээлүүдийг сонсоно гэж найдаж байна” гэжээ.
