“Номадик балет” продакшн 10 жилийн ойдоо зориулан “UG Events”-тэй хамтран “Grandeur” контемпорари балет шоуг хүргэх гэж байна. Энэхүү тоглолт нь сонгодог балетын төгс техник, контемпорари бүжгийн эрх чөлөөт хөдөлгөөн, сэтгэл хөдлөлийн гүн илэрхийллийг хослуулсан цоо шинэ тайзны бүтээл аж.
Тоглолтод өнөө цагийн Монголын сонгодог болон орчин үеийн бүжгийн урлагийн сор болсон мэргэжлийн уран бүтээлчид, шилдэг бүжигчид оролцож, уран бүтээлийн өндөр түвшнийг үзэгчдэд хүргэнэ.
Тоглолтын бүтээлүүдэд хүний амьдралын салшгүй хэсэг болсон хайр дурлал, учрал, хагацал, баяр баясал, хүсэл тэмүүлэл, дотоод тэмцэл, амьдралын үнэ цэнэ зэрэг сэдвүүдийг бүжгийн хэлээр илэрхийлнэ.
“Grandeur” контемпорари балет шоу есдүгээр сарын 11, 12-нд “UG Palace”-т 19.00 цагаас болно.
- Сонгодог балет + Contemporary хөдөлгөөн
Классик балетын техник, contemporary dance-ийн чөлөөт хөдөлгөөн, илэрхийллийг хослуулсан шинэлэг бүтээлүүдийг хүргэнэ.
- Өгүүлэмжээс илүү мэдрэмж
Хайр, эрх чөлөө, дотоод тэмцэл, хүний харилцаа зэрэг сэдвийг хөдөлгөөн, хөгжим, тайзны илэрхийллээр мэдрүүлэх цоо шинэ уран бүтээлүүд тоглогдоно.
- Хөгжмийн өвөрмөц хослол
Сонгодог болон орчин үеийн хөгжим, амьд хийлийн гоцлол, мюзиклийн дуун дээр тусгайлан дэглэсэн шинэ бүтээлүүдийг толилуулна.
- Шинэлэг тайз, гэрлийн шийдэл
UG Events-тэй хамтран орчин үеийн тайзны засал, гэрлийн өвөрмөц шийдлээр бүжиг, хөгжим, орон зайг нэгтгэсэн цогц үзүүлбэрийг бүтээнэ.
