Эротик өнгө аястай кино, телевизийн бүтээлүүд стриминг платформоор дамжин өргөн хүрээнд түгэхийн хэрээр ёс бус, хүчирхийлэлтэй болон хүүхдэд зохисгүй агуулгыг хэрхэн хязгаарлах тухай асуудал улам чухал болж буй. Сүүлийн үеийн насанд хүрэгчдийн контентуудад хүчирхийлэл, бэлгийн мөлжлөг, гэр бүлийн эмзэг харилцааг буруу ойлголт төрүүлэхүйцээр дүрсэлж буй нь уран бүтээлийн эрх чөлөө гэх үгээр халхавчилж, нийгмийн хариуцлага хэмээх зүйлийг уландаа гишгэж буйг харуулж байна.
Тиймээс ч энэ тал дээр олны танил эрхмүүд эсэргүүцсэн дуу хоолойгоо хүргэж эхлээд байгаа юм. Жишээлбэл, “Arigun” подкастын хөтлөгч Аригун буюу Х.Ариунбаяр цахим хуудсандаа дараах нийтлэлийг оруулжээ. Энэхүү бичвэрийг тэрбээр “Өнчин охин” гэх нэртэй эротик кино OTT платформуудад байршиж, цахим орчинд сурталчилгаа нь явж эхэлсэний дараа нийтэлсэн байна.
Аригун нийтлэлдээ “За нэг ийм балиар сэдэвтэй эротик кино нээлтээ хийгээд киноны апп-уудаар байршаад эхэлжээ. Та нар Хануг буруу зүйл ярилаа гээл барьж идчих гээд байсан. Тэр ч байтугай хажууд нь дув дуугүй сууж байсан хүмүүсийг хүртэл “boycott” хийгээд алчих гээд байсан биз дээ. Тэгээд яагаад ийм кинонуудтайгаа тэмцэхгүй байгаа юм бэ. Энэ эротик кинонууд чинь бүр гамшгийн хэмжээнд ирлээ. Хану руу дайрсан шигээ дайрахгүй юм уу?
Би хэлээд л байгаа. Энэ авга ах, нагац ах, хойд ээж, үеэл дүү энэ тэртэйгээ юу яадаг буруу гажиг кинонуудтай тэмцэнэ шүү. Надад та бүхний дуу хоолой хэрэгтэй байна. Ялангуяа урлагийнхан дугараад өгөөч. Танай салбар биз дээ” гэжээ.
Тэрбээр өмнө нь ч “Одоо энэ авга ах, хойд аав, хадам дүү, ээжийн нөхөр энэ тэр гэсэн сэдэвтэй эротик кинонуудыг хориглодог болмоор байна. Монголын IPTV, OTT-үүд ийм сэдэвтэй кинонуудыг голохгүй авч, зарим нь бүр энүүгээрээ хоолоо олж идэж байх шиг байна.
