Уран бүтээлч С.Баярбаатар “Сэтгэлийн аяс” үзэсгэлэнгээ Г.Занабазарын нэрэмжит Дүрслэх урлагийн музейд дэлгэлээ.
Энэ нь тус уран бүтээлчийн Монголд дэлгэж буй хоёр дахь бие даасан үзэсгэлэн бөгөөд тэрбээр өмнө нь Москва хотод хоёр удаа, Ирланд, Польш, Нидерланд улсад уран бүтээлийн үзэсгэлэнгээ толилуулж байжээ.
Үзэсгэлэнд нийт 70 гаруй бүтээл дэлгэсэн бөгөөд уран бүтээлчийн Дүрслэх урлагийн дунд сургуульд анх элсэн орж байсан үеэс өнөөг хүртэл туурвисан бүтээлүүд багтсан. Мөн оюутан ахуй цагийн болон Москвад хотод суралцаж байхдаа хийсэн ажлуудаас гадна өөрийн чөлөөт сэтгэлгээ, төсөөллөөр бүтээсэн бүтээлүүд ч бий.
“Сэтгэлийн аяс” үзэсгэлэн энэ сарын 27-ныг хүртэл олны хүртээл болно.
