Нюанс… Энэ бол попера урсгалын жинхэнэ илэрхийлэл. Өнгө, аяс хэмээн орчуулагддаг гадаад үгийг монголчуудад танилцуулж, өөрсдөө нэртэйгээ хамт өсөж, өнөөдрийн төрхөө олсон “Нюанс” хамтлагийн 25 жилийн ой ирэх арваннэгдүгээр сард тохионо.
“Нюанс” хамтлаг 2001 онд байгуулагдсан цагаас тэдний гол зорилго нь сонгодог бүтээлийг орчин үеийн хөгжмийн төрлөөр дамжуулан соёлын түвшинд тэр дундаа дуурь болон поп урсгалын дунд шинэ алхмыг хийж үзэгчдэд хүргэх явдал байсан юм.
Тэгвэл тус хамтлаг ирэх арваннэгдүгээр сард 25 жилийн ойгоо сонсогчидтойгоо тэмдэглэхээр болжээ. Энэ талаар тус хамтлаг албан ёсны цахим хуудсандаа “Энэ жил “Нюанс” хамтлагийн 25 жилийн ой тохиож байгаа билээ. Он жилүүдийн уртад хамтдаа олон сайхан зүйлд бие сэтгэлээн зориулж, олон түмэнд уран бүтээлүүдээ хүргэж иржээ. Бид арваннэгдүгээр сард “Нюанс” ойн тоглолтоороо та бүхэнтэйгээ уулзах болно” гэсэн нийтэлжээ.
“Нюанс” хамтлаг урын сан, уран бүтээлдээ дэлхийн сонгодог бүтээлүүд болоод дэлхийн алдартай поп болон попера дуунуудыг Франц, Итали, Испани, Орос, Англи, Хятад, Герман хэл дээр дуулдагаараа бусад уран бүтээлчдээс онцлогтой хамтлаг юм.
