Олон жилийн хүлээлтийн эцэст бүтэж буй “The Mummy 4” киноны зураг авалтын талбайгаас авсан анхны зургууд цахим орчинд цацагджээ. Шинэ зургуудад жүжигчин Рэйчел Вайз Эвелин О’Коннеллийн дүрдээ эргэн тоглож буйгаар харагдсан байна.
Зураг авалт Их Британид үргэлжилж байгаа бөгөөд Рэйчел Вайз 2001 оны “The Mummy Returns”-оос хойш дахин Эвелиний дүрийг дахин бүтээж байгаа нь энэ юм.
Шинэ ангид Брендан Фрейзер адал явдал эрэлхийлэгч Рик О’Коннеллийн дүрээр мөн эргэн ирнэ. Түүнчлэн Жон Ханна, Одед Фер, Кевин Ж.О’Коннор зэрэг өмнөх кинонуудын жүжигчид дахин тоглож байгаа аж.
“The Mummy 4”-ийг “Ready or Not”, “Scream” зэрэг бүтээлээрээ танигдсан Мэтт Беттинелли-Олпин, Тайлер Жиллетт нар найруулж байна. Одоогоор киноны үйл явдлын дэлгэрэнгүй мэдээллийг нууцалж байгаа ч шинэ бүтээл Рик, Эвелин О’Коннелл нарын адал явдлыг дахин харуулах нь дамжиггүй.
Анх 2028 онд нээхээр товлож байсан тус киноны нээлтийг урагшлуулж, 2027 оны аравдугаар сарын 15-нд кино театруудаар гаргахаар төлөвлөжээ.
Ийнхүү Рэйчел Вайз, Брендан Фрейзер нар 1999 оны “The Mummy”, 2001 оны “The Mummy Returns” кинонуудаас хойш О’Коннеллийн хосын дүрээр дахин дэлгэцнээ хамтран гарах гэж байна.
