Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
Урлаг.мн»Кино»Фред Астерын намтарчилсан кинонд Том Холланд, Сабрина Карпентер, Маргарет Куэлли нар тоглохоор боллоо
Кино

Фред Астерын намтарчилсан кинонд Том Холланд, Сабрина Карпентер, Маргарет Куэлли нар тоглохоор боллоо

Урлаг Урлаг30/09/2026Шинэчлэгдсэн:30/09/2026Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
Share
Facebook Twitter LinkedIn Pinterest Имэйл

Холливудын алтан үеийн домогт бүжигчин, жүжигчин Фред Астерын амьдралаас сэдэвлэсэн “Sony Pictures”-ийн шинэ киноны жүжигчдийн бүрэлдэхүүн улам тодорхой болж байна. Том Холланд Фред Астерын дүрийг бүтээх бол Маргарет Куэлли, Сабрина Карпентер нар тус кинонд тоглохоор болжээ.

Маргарет Куэлли Фред Астерын эгч бөгөөд түүний анхны мэргэжлийн бүжгийн хамтрагч Адель Астерын дүрд тоглоно. Фред, Адель нар Холливудад нэрд гарахаас өмнө “Бродвей” болон Лондоны “West End”-ийн тайзнаа хамтран тоглож, тухайн үеийн алдартай бүжгийн хосуудын нэг болж байжээ.

Харин дуучин, жүжигчин Сабрина Карпентер Фред Астерын хамгийн алдартай дэлгэцийн хамтрагчдын нэг Жинжер Рожерсын дүрийг бүтээх юм. Астер, Рожерс нар 1930-аад онд “Top Hat”, “Swing Time” зэрэг сонгодог бүтээлүүдээрээ кино урлагийн түүхэн дэх хамгийн алдартай бүжгийн хосуудын нэг болсон билээ.

Одоогоор нэрээ аваагүй байгаа уг киног “Paddington”, “Wonka” бүтээлүүдийн найруулагч Пол Кинг найруулна. Тэрбээр Стивен Левенсонтой хамтран зохиолыг бичсэн бөгөөд бүтээл нь Кэтлин Райлигийн “The Astaires: Fred & Adele” номоос сэдэвлэжээ.

Том Холландын хувьд энэ дүр бүжгийн урлагтай дахин холбогдох боломж болж байгаа юм. Тэрбээр жүжигчний карьераа эхлүүлэхдээ Лондоны “West End”-д “Billy Elliot the Musical”-ийн гол дүрд тоглож байжээ. Холланд Фред Астерийн бүжгийн хэсгүүдийг аль болох орлон тоглогчгүйгээр өөрөө гүйцэтгэхийн тулд бэлтгэлээ эхлүүлсэн тухайгаа ярьсан байна.

Фред Астерын охин Ава Астер Маккензи төслийг дэмжиж байгаа бол түүний ач хүү Тайлер Маккензи зөвлөх, хамтран продюсероор ажиллаж байна.

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Кино Урлаг

Хамгийн ахмад “Жеймс Бонд” Жорж Лэйзенби отгон “Жеймс Бонд” Роберт Паттинсонд зөвлөгөө өгчээ

18/11/2026
Кино Урлаг

“Явуулын хүн говьд” уран сайхны кино Евроазийн кино наадамд оролцлоо

18/11/2026
Кино Урлаг

Роберт Паттинсон дараагийн Жеймс Бондын дүрийг бүтээнэ

17/11/2026

Сэтгэгдэл хаалттай

Сүүлд нэмэгдсэн

Кристофер Ллойд, Майкл Ж. Фокс нар 40 гаруй жил үргэлжилсэн нөхөрлөлөө “Насан туршийн хайр” хэмээн тодорхойлжээ

18/11/2026

Хамгийн ахмад “Жеймс Бонд” Жорж Лэйзенби отгон “Жеймс Бонд” Роберт Паттинсонд зөвлөгөө өгчээ

18/11/2026

Дуучин, жүжигчин IU Үндэсний гал түймэртэй тэмцэх газрын даргын нэрэмжит шагнал хүртлээ

18/11/2026

Жисү 2027 оны “Coachella” наадамд анх удаа соло уран бүтээлчээр оролцоно

18/11/2026

Женни “Грэмми”-ийн хоёр номинацид нэр дэвшлээ

18/11/2026
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2026 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.