“Академи авардс” буюу 99 дэх удаагийн “Oскар”-ын шагнал гардуулах ёслолын арга хэмжээний урьдчилсан шалгаруулалтад Монгол Улсыг төлөөлөн оролцох кино бүтээлийг шалгарууллаа.
“Академи авардс”-ын олон улсын шилдэг бүрэн хэмжээний кино төрөлд нэр дэвшүүлэх бүтээлийг сонгон шалгаруулах Үндэсний сонгон шалгаруулах хорооны бүрэлдэхүүнд Кино урлагийн зөвлөлийн гишүүд ажиллалаа.
Тус хороо нь ирүүлсэн кино бүтээлүүдтэй танилцаж 2026 оны есдүгээр сарын 28-ны өдөр санал хураалтыг эцэслэн 99 дэх удаагийн “Академи авардс” буюу “Оскар”-ын шагнал гардуулах ёслолын олон улсын шилдэг бүрэн хэмжээний кино төрлийн урьдчилсан шалгаруулалтад Монгол Улсыг төлөөлөн оролцох кино бүтээлээр Найруулагч Б.Тамирын “Тусгаар тогтнол: Бошиг сахигч” (Independence: The Keeper of the Decree) уран сайхны киног шалгарууллаа.
