Холливудын жүжигчин Брэдли Купер алдарт “G.I. Joe” франчайзын шинэ хувилбарт гол дүрийн нэг болох Дьюкийн дүрд тоглохоор болжээ. Киноны зохиолыг жүжигчин, зохиолч Дэнни МакБрайд бичиж, найруулах юм.
Шинэ бүтээл нь “Paramount Pictures”-ийн төсөл бөгөөд үйл явдал болон бусад жүжигчдийн бүрэлдэхүүний талаарх дэлгэрэнгүй мэдээлэл одоогоор нууц хэвээр байна.
“G.I. Joe” франчайз нь анх тоглоомын цувралаас үүссэн бөгөөд өмнө нь “G.I. Joe: The Rise of Cobra” (2009), “G.I. Joe: Retaliation” (2013) зэрэг кино дэлгэцнээ гарч байсан. Шинэ төсөл нь уг франчайзыг дахин эхлүүлсэн хувилбар болох юм.
Брэдли Купер сүүлийн жилүүдэд жүжигчнээс гадна найруулагч, продюсерын хувиар ажиллаж буй. Тэрбээр “A Star Is Born”, “Maestro” зэрэг кинонд тоглож, найруулсан бөгөөд Марго Роббитой хамтран тоглох шинэ “Ocean’s” кинонд мөн ажиллаж байгаа юм. Тус кино 2027 оны зургаадугаар сарын 25-нд нээлтээ хийхээр товлогджээ.
