Дуучин Н.Ундрал “Сайхан ч юм даа Монгол хүн болж төрөх” дуугаараа нэрлэсэн пянз гаргаж, эл пянзны баяраа өнгөрсөн бямба гараг /2026.10.03/-т тэмдэглэлээ. Ингэснээр тэрбээр нийтийн дуучид дундаас уран бүтээлийнхээ пянзыг гаргасан анхдагч уран бүтээлчдийн нэг болж буй юм.
Пянзны баярын үеэр “Сайхан ч юм даа Монгол хүн болж төрөх” пянзны дээжээс дуудлага худалдаанд оруулж, 20 сая төгрөгийн үнэд хүрсэн байна. Пянзанд “Уудам Монгол”, “Ээжийнхээ ачийг яалаа даа”, “Харц”, “Сайхан Монгол бүсгүй” тэргүүтэй есөн уран бүтээл багтжээ. Пянз “Chinzo’s records room” пянзны дэлгүүрт худалдаанд гарсан бөгөөд 180 мянган төгрөгийн үнэтэйгээр худалдаалагдаж байна.
Ташрамд, дуучин Н.Ундрал бие даасан анхны тоглолтоо “Сайхан ч юм даа” нэртэйгээр хийх гэж буй. Эл тоглолт ирэх аравдугаар сарын 17-нд 19.00 цагаас “АСА арена”-д болох юм.
