UBS телевиз нь цаатан түмний аж амьдрал, ёс заншил, өв уламжлалыг уран сайхны аргаар олон нийтэд үзүүлж, үзэгчид болон зохих түвшний хүмүүсийн анхаарлыг энэ чиглэлд хандуулахыг гол зорилгоо болгож СОДУРА хэмээх уран сайхны киног бүтээжээ.
Энэ кино бол цаатан түмний ёс заншил, Монгол орны онгон байгалийг дэлхийд таниулан сурталчлах, Монголын кино урлагийг олон улсын тавцанд гаргахад хувь нэмрээ оруулах бүтээл юм.
Кино бүтээх ажил хоёр жил үргэлжилсэн бөгөөд Хөвсгөлийн их тайгын жилийн дөрвөн улирлын өнгийг кино хальснаа буулгаж чадсанаараа онцлог юм. 2013 оны 04 сард анхны зураг авалт эхэлж, 2014 оны 03 сард дууссан ажээ. Киноны нээлт тодорхой шалтгаанаар хойшлогдон ирэх 11 сард нээлтээ хийхээр болжээ.
Зураг авалт Хөвсгөл аймгийн Цагааннуур сумын нутаг Баруун, Зүүн тайгад хийгдэж, Хорьдол Сарьдагийн их уулс, Цэцэгт нуур, Хөвсгөл далай зэрэг байгалийн үзэсгэлэнт газруудыг харуулж чадсан байна.
UBS телевизийн бүтээл СОДУРА уран сайхны кино зураг авалтын үеийн уран бүтээлчдийн зурагнаас хүргэж байна.
www.URLAG.mn
