“Премьер тэйлор” ХХК-ийн үүсгэн байгуулагч Т.Зориг өнгөрөгч мягмар гараг /2026.10.27/-т хар тамхины хэргээр саатуулагджээ.
Тодруулбал, энэ сарын 27-ны өдөр Сүхбаатар дүүргийн нэгдүгээр хороонд байрлах “Шангрилла” цогцолбороос Монгол Улсын иргэн Т.Зоригийг хуулийн байгууллагаас саатуулсан байна.
Эх сурвалжийн мэдээлж байгаагаар, тэрбээр саатуулагдах үедээ гурвуулаа байснаас нэг нь Франц улсын иргэн байжээ.
Одоогоор хэрэгт холбогдогч нараас биологийн шинжилгээ авч мансууруулах бодис хэрэглэсэн болохыг тогтоосон гэх бөгөөд эрүүгийн хэрэг үүсгэхээр мөрдөн шалгах ажилллагааг үргэлжүүлж байна.
Т.Зориг нь 2012 онд “Премьер тэйлор” ХХК-г үүсгэн байгуулж, тансаг зэрэглэлийн эрэгтэй хувцас захиалгаар үйлдвэрлэж эхэлсэн бөгөөд одоогоор групп компани болж өргөжөөд байгаа юм.
