Үнэт эдлэлийн “Joyalukkas” компани хамгийн хүнд буюу 16.514 кг жинтэй хос алтан ээмэг урлан Гиннесийн дээд амжилт тогтоожээ.
Тус компани Энэтхэгийн уламжлалт “жүмки” загварын ээмгийг хэд дахин томруулан урласан бөгөөд тус улсын үнэт эдлэл урлах уламжлал, уран хийцийг харуулахыг зорьсон гэж Гиннесийн дэлхийн дээд амжилтын номын төлөөлөгчид онцолсон байна.
“Төсөөллийн хязгаараас давсан ер бусийн ур хийц” хэмээн тус компани “Instagram” сүлжээний албан ёсны хуудсандаа нийтэлж, сонирхсон хүмүүсийг “Jewel of Joy” дэлгүүрийн үзэсгэлэнгийн танхимд хүрэлцэн ирж, алтан ээмгийг үзэхийг урьжээ.
“Joyalukkas” компани уг ээмгээ дэлхийн хоёр дээд амжилт тогтоож, түүхэнд бичигдсэн гайхамшигт үнэт эдлэл хэмээн тодорхойлсон байна. Гэвч Гиннесийн дээд амжилтын бүртгэлд “хамгийн хүнд хос алтан ээмэг” гэсэн амжилтыг албан ёсоор баталгаажуулсан боловч хоёр дахь амжилтын талаар тодорхой дурдаагүй байна.
