Монгол Улсын хөдөлмөрийн баатар, гавъяат тамирчин Х.Цагаанбаатар, О.Гүндэгмаа нарыг их спортоос хувь заяагаа холбож, монголын үлгэр дуурайлал хосууд гэдэг. Эх орныхоо нэрийг тив, дэлхийд гаргаж яваа тамирчин хосуудын хувьд гэр бүлдээ зарцуулах цаг, зав тун хомс байдаг тухайгаа нэгэн ярилцлагадаа дурьдсан байсан.
Тэдний хувьд энэ онд зохиогдсон тэмцээн уралдаан амжилт гаргахыг зорьсон бөгөөд Азийн наадмын үеэр хоёулаа бэлтгэлтэй байсан учраас хүүхдүүдтэйгээ хамт байж чадаагүй аж. Харин Цагаанаагийн хувьд ар, араасаа үргэлжилсэн тэмцээн, уралдаануудад амжилттай оролцож, сая нэг амсхийсэн бөгөөд өнгөрсөн амралтын өдрүүдийг хүүхдүүддээ зориулжээ. Тэрбээр энэ тухайгаа өөрийн фэйсбүүк хуудаснаа “Аавыг олдсон дээр нь гэсэн шиг салахгүй ингэж унтана л гэнэ шүү, хүүхдүүд маань” хэмээн нийтэлжээ.
Үнэхээр эх орныхоо нэрийн өмнөөс тив, дэлхийд зодоглож, цэц мэргэнээ сорьдог тамирчин хосууд ховорхон олдсон цаг, заваа хүүхдүүддээ зориулах нь гарцаагүй юм.
