Маралжингоо:
Хэн ч хүрээгүй миний уруул дээр
Хүйтэн нулимс түрүүлж яагаад дуслана вэ
Миний хайр надад цөхрөв үү
Миний сэтгэлд үнэн цөхрөв үү
Дэндүү удлаа өдрүүд өнгөрөв үү
Дэргэд чинь баймаар байна, хайрт минь
Болд:
Харцыг минь ширтээч, хайрыг минь чагнаач
Нарнаас асуугаач, наддаа чи итгээч
Учирлахыг минь чи сонсохгүй л байна уу
Уйлахыг минь чи харахгүй л байна уу
Аргадахыг минь чи үнэмшихгүй л байна уу
Аз жаргалдаа чи итгэхгүй л байна уу
/хайрт минь, итгэхгүй л байна уу/
Эгшиглэн:
Зүүдэлсэн дуунд минь
Зөөлөн үнссэн чиний хайр эндүүрэв үү
Чиний хайр надад гомдов уу
Миний зүрх цөхрөв үү
Дэндүү удлаа, өдрүүд өнгөрөв үү
Дэргэд чинь баймаар байна, хайрт минь
Болд:
Үгийг минь чагнаач, намайг хүлээгээч
Битгий яваач дээ, би чамд хайртай
Учирлахыг минь чи сонсохгүй л байна уу
Уйлахыг минь чи харахгүй л байна уу
Аргадахыг минь чи үнэмшихгүй л байна уу
Аз жаргалдаа чи үнэмшихгүй л байна уу *2
Миний хайрыг хүлээ
