Харвасан сум, дүүгүүрийн чулуу шиг даанчиг омголон
Хатан болд сэлэмний торгон ир шиг дэндүү эрэмгий
Халуун цус цохилох зүрхэнд Монголоо гэж омогшсон
Бидний тэнгэрлэг залуус аа
Монголын залуусын зүрхэнд, тархинд
Монгол эх орны минь маргаашийн хувь заяа зураастай
Эвийн дуугаан өргөөд
Итгэл сэтгэлээ нэгтгээд
Зүг зүгийн залуус аа
Зүрх зүрхэндээ ойртоцгооё
Чиний миний Монголоо
Чин зүрхэндээ хайрлая
Сүр хүчит эх орныхоо сүлд хийморийг өргөе өө
Атгасан гар шиг эвтэй
Ассан гал шиг өөдөө
Амин хайртай Монголынхоо
Алдарыг дуурсгаж амьдаръя залуучуудаа
Оргилуун хүслийн дуутай
Омголон залуус бид
Бидний эх орон Монгол тандаа зүтгэе ээ залуус аа
Гэгээн хүслээ хөглөөд
Гэрэлт ирээдүйг зориод
Газар газрын залуус аа
Гар гараасаа атгацгаая
Дахилт
