“Болзоонд яарсан өвлийн үдэш
Болор мөнгөн оддын гэгээтэй
Шинэ цастай өвлийн шөнө
Шингэх учиргүй мөнгөн сартай.” хэмээсэн гэгээн тунгалаг үгтэй нэгэн дуу олны сонорт хүрээд удаагүй байна. МЗЭ-ийн шагналт яруу найрагч Г.Сонинбаярын шүлэг, Монгол Улсын соёлын тэргүүний ажилтан, хөгжмийн зохиолч М.Туяагийн аялгуу “Бодлын цас” дууг СУИС-ийн оюутан П.Гэрэлт-Од дуулж олны хүртээл болгожээ.
Соёлын тэргүүний ажилтан, хөгжмийн зохиолч М.Туяагийн хувьд “Миний улаан сарнай”, “Миний хань миний хайр”, “учрах цаг минь хэзээ вэ”, “Хайрын бүжиг” зэрэг олон сайхан дуугаараа олонд танил болсон уран бүтээлч билээ. Тэрээр шинэ жилийн өмнөхөн олны хүртээл болоод байгаа “Бодлын цас” дуугаа удахгй хит болно гэдэгт итгэлтэй байгаа гэнэ.
Шинэ цас шиг шинэ залуу дуучны дуулсан “Бодлын цас” олон олон өвөл залуусын зүрхэнд дурсамж, хайр тээн эгшиглэн будрах биз ээ.
www.URLAG.mn
