Нийслэлийн засаг даргын тамгын газар, Монголын балетын хөгжил сантай хамтран зохион байгуулж байгаа “Цөмөөхэй балет” бүжгэн жүжгийг Гавъят жүжигчин Д.Алтанхуягийн найрууллагаар шинэчлэн Дуурь бүжгийн эрдмийн театрт 2014 оны арвахоёрдугаар сарын 24-28-ны өдрийн хооронд тоглох гэж байна.
Эл бүжгэн жүжгийг 1983 оноос эхлэн тоглож байгаа бөгөөд энэ жил өмнөх жилүүдээс илүү шинэчилж, АНУ-ын Бостон хотоос техник технологи, тайз, хувцас зэргийг худалдан авч, тоглох гэж байгаагаараа онцлог юм. “Цөмөөхэй” балетад бүжгийн урлагаар хичээллэдэг болон сонирхдог 8-12 насны 180 хүүхэд багачууд тоглоно. Сонирхуулахад “Цөмөөхэй” жүжгийн уран бүтээлчид Япон улсаас ирээд байгаа бөгөөд тайзны засал чимэглэл, бүжигчдийн хувцас тун удахгүй “Бостон балет” театраас ирэх бололтой.
Тасалбарын үнийн хувьд 20,40,60,120 мянган төгрөгийн үнэтэй бөгөөд одоогийн байдлаар тоглолтын нээлтийн тасалбар дуусч байгаа гэнэ.
Цөмөөхэй бүжгэн жүжгийн цагийн хуваарьтай танилцъя.
Арванхоёрдугаар сарын 24-нд 19:30 цагт
Арванхоёрдугаар сарын 25-нд 19:30 цагт
Арванхоёрдугаар сарын 26-нд 19:30 цагт
Арванхоёрдугаар сарын 27-нд 13:00, 17:30 цагуудад
Арванхоёрдугаар сарын 28-нд 13:00, 17:30 цагуудад тус тус тоглоно.
www.URLAG.mn
