Монгол Улсын анхны Ерөнхий сайд Сайн Ноён Хан Намнансүрэнгийн Хаант Орос Улсад хийсэн 100 жилийн өмнөх анхны айлчлалын тухай урьд нь хэвлэгдэж байгаагүй гэрэл зургууд, сонирхолтой дүрс бичлэг, тэдгээрээр бүтээсэн каталоги номын нээлт өнөөдөр 10:00 цагт Монголын Үндэсний түүхийн музейд болно.
Ерөнхийлөгчийн Тамгийн газар, ШУА-ын Түүхийн хүрээлэнтэй хамтарч зохион байгуулж байгаа энэ үзэсгэлэнг Монголын Үндэсний эрх чөлөө, тусгаар тогтнолоо сэргээн мандуулсны 103 жилийн ойд зориулж байгаа юм.
