Хайрт минь чиний харц үргэлж надаас хол байх юм
Чам руу очих гүүрийг би эрээд олохгүй юм
Харвах төдий од шиг чи минь харагдаад өнгөрлөө
Харилцуурын цаана чиний хоолой сонсогдоод тасарлаа
Хайрт чи надаас дандаа юунд нуугддаг юм бэ
Нуугдаж тоглох чамд тийм зугаатай байгаа юм уу
Миний сэтгэлийг чи далдаас нэвт хараад байна уу
Харин чиний сэтгэлийг би олж харсангүй еэ
Дахилт:
Бодолд минь чи үргэлж зүүд болон амилах юм
Зүүдэнд минь чи өглөө надаас холдох юм
Өөрийн эрхгүй чамайг хайрлахыг хүсэх юм
Өр зүрхэнд минь чи надтай хамт байх юм
Өөртөө улам дурлуулахыг надаас чи хүсэх юм
Үнэндээ чи намайг яаж хайрлахаа мэдэхгүй явна уу
Од шиг чи үзэсгэлэнтэйеэ гялалзаад
Очъё гэвч надаас дандаа хол харагдах юм
Чам руу гар хүрэх зам хэдий хол байсан гэлээч
Халуухан хайр минь намайг жигүүртэй болгох юм
Хайлах зүрх минь хэдийгээр өнчирсөөр удлаа ч
Нэг л өдөр хос зүрх болон жаргалтай амьдарнаа
Дахилт:
