Залуу уран бүтээлч Э.Болор-Уянгыг бид олон сайхан уран бүтээлээр нь таних болсон билээ. Тэрээр хоёр жилийн өмнө дуучин Д.Эрдэнэцэцэг агсаны дурсгалыг хүндэтгэн “Учралын эгшиг”, “Намуун байгаль”, “Чамайгаа оллоо”, “Зүрхэн чулуу” зэрэг бүтээлүүдийг багтаасан “Дуулъя дурсъя” нэртэй цомгоо хөгжим сонирхогчдод хүргэж байсан юм. Тэгвэл залуу уран бүтээлч бүсгүй тун удахгүй өөрийн бие даасан тоглолтоо хийхээр болсон байна. Уг тоглолтоо “Учралын эгшиг” хэмээн нэрийджээ. Тоглолт энэ сарын 30 ны өдөр “River sound” клубт болох аж. Дуучин бүсгүй тоглолтынхоо үеэр өөрийн олон сайхан уран бүтээлээс хүргэхээс гадна ард түмний чихнээ хэдийнээ хоногшсон хуучны дуунуудыг ч эгшиглүүлнэ гэдгээ хэллээ. Тус тоглолтын тасалбарын үнэ 30 төгрөгөөр зарагдах гэнэ.
www.Urlag.mn
