Улсын филармони 2015 оны эхний улирлын үзвэрийн хөтөлбөрөө “Монгол уран бүтээл” зорилтот төслийн хүрээнд зохион байгуулахаар зэхжээ. Тус төсөл нь монголын хөгжмийн зохиолчдын мэргэжлийн төвшинд бүтээн туурвисан уран бүтээлүүдийг ард иргэд , өсвөр үеийнхэнд сурталчлан таниулах, байгууллагын урын санг Монгол бүтээл туурвилаар баяжуулах, хөгжмийн уран бүтээлийн эрэлт, нийлүүлэлтийн бий болгох, бүтээл туурвигчид уран бүтээлчдийг алдаршуулах хөгжим сонирхогч, сонсогчдын цар хүрээг өргөжүүлэх, Монгол хөгжмийн уран бүтээлчдийг дэмжих зорилготой ажээ.
Төслийн хүрээнд 1 дүгээр сарын 5-ны өдөр Морин хуурын чуудлгын "Уран сэтгэмж" тоглолт амжилттай болж өндөрлөсөн Баянмонгол чуулгаас төрсөн үе үеийн хөгжмийн зохиолчдын дуу, хөгжмийн бүтээлүүд тоглогдох гэж байна. Дурьдвал “ЦЭНГЭЛТЭЙ ҮДЭШ”, ”ЭНЭ ХҮҮХНҮҮД ҮҮ КИНОНЫ ДУУ”, “ЗУЛЗАГАН ЦАГААН ХУС”, “НАВЧИН ДЭЭРХ ШҮҮДЭР”, “ДӨРВӨН УЛИРАЛ ХОЁР АМРАГ”, ”ДЭРЭНГИЙН ХАР АЗАРГА”, “АЯНЫ ШУВУУД” зэрэг хуучны сайхан дуунууд Улсын филормоны тайзнаа энэ сарын 22-ны үдэш эгшиглэх нээ. Мөн тус байгууллага монгол түмний бахархал болсон олон сайхан бүтээлийг 2015 оны эхний улирлын тоглолтондоо багтаасан байна.
Нэгдүгээр сарын 15-нд 19.00 цагт “Уран сэтгэмж” хөгжмийн концерт
Нэгдүгээр сарын 22-нд 19.00 цагт “Сэтгэлд хоногшсон дуунууд” дууны уран бүтээлийн концерт
Хоёрдугаар сарын 5-нд 19.00 цагт “Торгоны хээ” ардын дууны цуврал концерт
Хоёрдугаар сарын 14-нд 19.00 цагт “Гэгээн хайрын үдэш” хайрын өдөрт зориулсан концерт
Хоёрдугаар сарын 26-нд 19.00 цагт “Сонгодог хөгжмийн концерт” дунд үеийн хөгжмийн зохиолчдын бүтээл
Гуравдугаар сарын 7-нд “Энхрийхэн чамдаа” эмэгтэйчүүдийн баярт зориулсан концерт
Гуравдугаар сарын 19-нд 19.00 цагт Ардын хөгжимд зориулсан концерт
Гуравдугаар сарын 26-нд 19.00 цагт “Сонгодог хөгжмийн концерт” залуу үеийн хөгжмийн зохиолчдын бүтээл тоглогдох юм байна.
Тасалбарыг улсын Филармоний кассаар борлуулж байна. 70148012
www.urlag.mn
