Монголын Сайтын Холбооны дээд шагнал “WWW” одонг өдгөөгөөс 2 жилийн өмнө Монгол улсын анхны Ерөнхийлөгч П.Очирбат хүртэж байсан юм. Харин өнөөдөр энэ хүндтэй шагналыг авах 2 дахь хүн тодорсон байна. Энэ хүн бол Монголын Сайтын Холбоог 2009 онд анх үүсгэн байгуулагч, тус холбооны анхны Тэргүүн, www.zaluu.com сайтыг үүсгэн байгуулагч Д.Дэлгэрмөрөн аж.
“WWW” одон нь 1 сая төгрөгний өртөг бүхий гар аргаар ганцхан хувь цохиж дархалдаг жинхэнэ дархны ур шингэсэн бүтээл байдаг бөгөөд энэ одонг МОСАХ-ны Ерөнхийлөгчийн тушаалтайгаар зөвхөн шагналын эзэнд зориулан захиалж хийлгэдэг байна.“WWW” одон болон Батламжийг МОСАХ-ны УЗ Д.Дэлгэрмөрөнг эх орондоо ирэхэд нь гардуулах ажээ. Тэрээр одоогоор хилийн чанадад суралцаж байгаа. Өдгөө 100 гаруй сайтыг эгнээндээ нэгтгэсэн хүчирхэг холбоог үүсгэн байгуулсан анхны Тэргүүн Д.Дэлгэрмөрөндөө Монголын Сайтуудын нэгдсэн 2 дугаар чуулган болох гэж буйг тохиолдуулан Сайтын Холбооны гишүүн сайтуудынхаа өмнөөс мэндчилгээ дэвшүүлж, сурлагын өндөр амжилтыг хүсэн ерөөе.
2856397902015-01-23-17-10[www.urlag.mn].jpg)
www.Urlag.mn
