Монголын дуурийн шилдэг найман гоцлол дуучид өөрсдийн уянгалаг хоолойгоор үзэгч түмэнтэйгээ уулзлаа. Тэд энэ сарын 12-ны үдэш буюу өчигдөр алтан хоолойгоороо үзэгч түмнийгээ мялаасан юм. Өнгөрөгч онд тус тоглолтоо ОХУ-ын Их театрын тайзнаа тоглож байсан билээ. Дуурийн дуучин бүрийн мөрөөдөл болсон энэхүү тайзнаа өмнө нь АЖ Ц.Пүрэвдорж, Зууны манлай дуурийн дуучин, АЖ Х.Уртнасан нар гарч байжээ. Түүнээс хойш 30 жилийн дараа монголчууд дахин “Их тайз”-наа гарч байгаа нь энэ билээ.
УДБЭТ-ын театрын нэрийг дэлхийд гаргасан уран бүтээлчиддээ талархаж байгаагаа илэрхийлье. "Монголын алтан хоолойтнууд" тоглолтыг чин сэтгэлээсээ дэмжиж уран бүтээлчид бидэнд урам хайрласан "Мөнхийн үсэг" компани, "Хаан банк"-ны хамт олонд баярлалаа. Продюсер Ч.Мөнхзул, удирдаач Н.Туулайхүү, Ж.Бүрэнбэх, найруулагч Е.Сарантуяа, ерөнхий зураач Г.Ганбаатар болон тайз гэрэл, марктингийн алба, симфони оркесторын хамт олондоо бүгдэд нь талархаж буйгаа илэрхийлье. Мөн манай тоглолтонд хүрэлцэн ирж халуун алга ташилтаар тоглолтын турш хамт байсан эрхэм үзэгчиддээ баярласанаа илэрхийлье.
www.Urlag.mn
