Эх орондоо ирснээс хойш уран бүтээлээ үргэлжлүүлэн өөрийн гэсэн студитэй болсон ч гэлээ, цөөн хэдэн дуу гаргахаас хэтрээгүй дуучин С.Сэрчмаа ирэх сарын 07-нд багахан хэмжээний тоглолт хийхээр төлөвлөжээ. Олон улсын эмэгтэйчүүдийн эрхийн өдөрт зориулан ийнхүү уран бүтээлийнхээ дээжээс өргөн “VIP” тоглолтоо “Vegas” шөнийн клубт хийхээр зэхсэн хайрын дууч маань бэлтгэлд ажилдаа ч хэдийнэ орсон сурагтай.
Онлайн шоу нэвтрүүлгээ телевизийн үзэгчдэд хүргэж эхэлсэн тэрбээр саяхан этгээд үс засалтаасаа болж, элдэв таагүй үгс сонсож бухимдсан удаатай. Өвөрлөгч эртэй дэр нэгтгэн, эрлийз охин төрүүлсэн хэмээн зарим хүмүүст “адлагдаж” явдаг ч дуучин бүсгүйн алдаа оноо, амьдралын сайн мууг шүүн тунгаах эрх хэнд ч байхгүй биз ээ.
Энэ ч утгаараа, түүний нэвтрүүлэгтээ урьсан зочид ихэвчлэн эрхэм уран бүтээлчийнх нь үүднээс хэрхэн хүндэлж, сэтгэлийн дэм хайрлаж байгаагаа цаг ямагт илэрхийлдэг нь үнэн. Тиймээс дуучин бүсгүй маань ийнхүү найз нөхөд, үнэнч фэнүүдийнхээ хүсэлтээр эх орондоо ирснээс хойш анх удаа бие даасан хэмжээний тоглолт хийхээр зориг шулуудсан нь энэ ажээ.
Эх сурвалж: Photonews.mn
