Японы мэргэжлийн сумогийн 69 дэх их аварга, Монгол Улсын Гавъяат тамирчин М.Даваажаргал, Монгол Улсын Ерөнхийлөгч Ц.Элбэгдоржийн зарлигаар "Монгол Улсын Хөдөлмөрийн баатар" боллоо. Тэрээр мэргэжлийн сумогийн их аварга Хакухо М.Даваажаргал нь 1700 гаруй жилийн түүхтэй Сумогийн дээд амжилтыг эвдэж 33 дахь удаагаа Японы эзэн хааны цомыг авсан билээ. Ийнхүү түүхэн амжилтын эзэн болсон МУ-ын Хөдөлмөрийн баатар, Мэргэжлийн сумо бөхийн 69 дэх их аварга Мөнхбатын Даваажаргалд хүндэтгэл үзүүлэх ёслолын ажиллагаа өнөөдөр 12:00 цагт Чингисийн талбайд зохион байгуулагдлаа.
Уг арга хэмжээний хүндэтгэлийн тайзнаа Монгол улсын хөдөлмөрийн баатар Ж.Мөнхбат болон их аваргын ээж Ө.Тамир, Төв аймгийн Нутгийн залуучуудын холбооны тэргүүн Г.Сурмаа, Нийслэлийн Засаг даргын орлогч Ц.Энхцэнгэл, МУ-ын хөдөлмөрийн баатар, Тод манлай уяач Д.Даваахүү, Монгол Улсын Хөдөлмөрийн баатар Э.Бадар-Ууган болон Төв аймгаас төрж гарсан улс төр, урлаг, спортын салбарын алдартнуудын төлөөллүүд гарч ирэн хүндэтгэл үзүүлж баяр хүргэлээ.
Энэ дашрамд дуулгахад М.Даваажаргалд Монгол Улсын Ерөнхийлөгч Ц.Элбэгдорж "Монгол Улсын Хөдөлмөрийн баатар" цол, тэмдэг болон "Сүхбаатарын одон"-гоор давхар шагналаа. Ингээд төрөлх нутгаас минь төрөн гарсан Японы мэргэжлийн сүмогийн 69 дэх их аварга Мөнхбатын Даваажаргалын “Монгол Улсын Хөдөлмөрийн Баатар” цол тэмдэг хүртсэнд нь хүндэтгэл үзүүлэх ёслолын ажиллагааны фото зурагнуудаас хүргэж байна.
www.Urlag.mn
