Өнгөрсөн жил “12 жилийн боолчлол” киногоороо “Оскар”-ын “Шилдэг туслах эмэгтэй жүжигчин” болсон Кенийн уран бүтээлч, жүжигчин Лупита Нионго энэ жил Оскарын шагнал гардуулах ёслолд өмссөн 150 мянган ам.долларын үнэтэй сувдан даашинзаа “Лондон” зочид буудлын өрөөнөөс хулгайд алджээ.
Түүний өмссөн даашинзыг Франциско Коста 6000 ширхэг байгалийн цагаан сувдаар урласан байна. Нионго даашинзаа алдсаныхаа дараа “Харамсалтай байна. Энэ даашинзыг заавал олмоор байна. Олон хүн намайг энэ даашинзтайгаа сайхан харагддаг гэж магтсан” гэж жиргэжээ. Одоогоор цагдаагийн газар хэргийг мөрдөн шалгаж байгаа гэнэ.
Эх сурвалж: New.mn
