Нуурын ус цалиглаа ч бүү цочоорой
Нууцхан тэр хүслийг минь бүү зэмлээрэй
Хамгийн сүүлчийн үнсэлт бүхнийг минь чи
Хагацал гэж эндүүрч бүү ойлгоорой
Намайг хувирахгүй гэдгийг бүү мартаарай
Насны гомдол болгож бүү зүүдлээрэй
Нууцлах тусмаа гэрэлтээд байвал намайг
Нулимсан дундаа нууж яваарай
Дахилт
Дуулаад дуусдаг дуу гэж байдаг
Дурсамжийн мөртэй учрал гэж байдаг
Хайрлаад хагацдаг сэтгэл гэж бас байдаг юм
Харамсаад ч бардаггүй гэмшиг гэж байдаг
Хайрлая хайрлая гээд хожимдсон байдаг
Бусдын үгээр намайг битгий шаналгаарай
Буцах хаягггүй захиа шиг бүү бодоорой
үгүйсгэж хэлсэн үг бүхнийг минь чи
үнэмшиж харин андуурч бүү ойлгоорой
Намайг хүлээж байгааг бүү мартаарай
Намрын шувууд шиг битгий буцаарай
Холдох тусмаа санагдаад байвал намайг
Хонгорхон сэтгэлээ нууж яваарай
Дахилт
