Чамтайгаа анх учирахдаа
Оддын гэрлээс би атгасан
Чамайгаа анх үнсэхдээ
Тэнгэрт нисмээр санагдсан
Туулсан зам минь гэрэлтэй
Даруухан дуу минь эгшигтэй
Над руу зөөлөн инээх чинь
Ямархан гээч гайхамшиг
Дахилт
Орчлонд хүмүүс одноос олон надаас ч сайхан байлаа ч
Намайг хайрлаач янагын тэнгэр биднийг адислаач
Яаруу олны урсгалд чи минь битгий уусаач
Яг л над шиг чамд хайртай хүнийг үүрд хайрлаач
Хагацал биднийг цуулах юм бол
Чамдаа би чинь гомдохгүй
Хайрын тэнгэрт ивээгдсэн нандин үеэ мартахгүй
Сайхнаар дуусдаг үлгэр шиг учрал хорвоод байдаг юм шүү
Чамайг хүсэн хүлээх минь
Ямархан гээч гайхамшиг
