Нар буцсан намраар нэг ангийнхан цугларахад
Нандин хүсэл мөрөөдөлд нь нарны элч хорогдоно оо
Дурсамж дүүрэн өдрүүд ар араасаа хөвөрсөөр
Дэрэвсэн хонгор нас мөрөөдлөөр жигүүрлэн өснө өө, өснө өө
Униар татсан хавраар нэг ангийнхан төгсөхөд
Угтан золгосон сургууль минь уяран догдолж үлдэнэ ээ
Дөрвөн хаврын уянга төгсөлтийн хонхонд жигнэхэд
Дасал болсон сургуулиа сэтгэлдээ тээн одно оо, одно оо
Сэрүүлэгийн дуугаар босож хичээлийн хонхтой уралдсан
Сэтгэлийн сайхнаар гоёсон, итгэлийн дуугаар хөглөгдсөн
Оюутан нас, од шүүрсэн залуу нас
Оргилох хүслээр нар дагуулсан бидний нас, оюутан
Эрдэм түгээсэн сургуульдаа нэг ангийнхан цугларахад
Эрхэм сайхан бүхэн солонго татан бууна аа
Амьдралд хөл алдаагүй андынхаа яриаг сонсоход
Алтан номын үсэг туяа татан гэрэлтэнэ ээ, гэрэлтэнэ ээ
Сэрүүлэгийн дуугаар босож хичээлийн хонхтой уралдсан
Сэтгэлийн сайхнаар гоёсон, итгэлийн дуугаар хөглөгдсөн
Оюутан нас, од шүүрсэн залуу нас
Оргилох хүслээр нар дагуулсан бидний нас, оюутан
Сэрүүлэгийн дуугаар босож хичээлийн хонхтой уралдсан
Сэтгэлийн сайхнаар гоёсон, итгэлийн дуугаар хөглөгдсөн
Оюутан нас, од шүүрсэн залуу нас
Оргилох хүслээр нар дагуулсан бидний нас, оюутан
