Монголын Үндэсний Кино Урлагийн Академиас тав дахь жилдээ "Академийн дээд шагнал" гардуулах ёслол хүндэтгэлийн ажиллагааг зургаадугаар сарын 7-ны өдөр шинээр нээгдэх "Шангри-Ла" зочид буудалд 17.30 цагт зохион байгуулах гэж байна.
2014 оны зургаадугаар сарын 10-ны өдрөөс 2015 зургаадугаар сарын 1-ний хооронд киноны нээлтээ хийсэн бүх уран бүтээлчид энэ наадамд оролцож, бүтээлээ явуулах боломжтой
Шагнал гардуулах ёслолын арга хэмжээний талаарх мэдээллийг өнөөдөр МҮКУА-ийн тэргүүн Б.Цогтбаяр, Төрийн соёрхолт, кино найруулагч Б.Балжинням, УГЗ, кино найруулагч Х.Дамдин, болон "U Art Studio"-ийн захирал СТА, жүжигчин Ч.Ундрал нар өнөөдөр мэдээлэл хийлээ.
Монголын Үндэсний Кино Урлагийн Академийн тэргүүн Б.Цогтбаяр "2014 оны зургаадугаар сарын 10-ны өдрөөс 2015 зургаадугаар сарын 1-ний хооронд киноны нээлтээ хийсэн бүх уран бүтээлчид энэ наадамд оролцож, бүтээлээ явуулах боломжтой. Энэ жил 43 кино нээлтээ хийсэн. Түүнээс гадна баримтат кино, богино хэмжээний киноны уран бүтээлчид бүтээлээ ирүүлж байна" гэлээ.
Мөн УГЗ, кино найруулагч Х.Дамдин "Энэ наадам нь жил бүр ямар кино хийж байна, ямар төрөл зонхилж байна, өмнөх оны уран бүтээлээс юугаараа давуу, юу нь дутагдалтай байна гэдгийг дүгнэж цэгнэдгээрээ ач холбогдолтой" гээд жилээс жилд хүчирхэгжиж, оролцогчдын тоо нэмэгдэж байгааг онцоллоо.
Тус наадам нь нийт 18 номинациар шилдгүүдээ тодруулна. Үүнд:
- Шилдэг кино Best Picture
- Шилдэг эрэгтэй дүр Leading role actor
- Шилдэг туслах эрэгтэй дүр Supporting role actor
- Шилдэг эмэгтэй дүр Leading role actress
- Шилдэг туслах эмэгтэй дүр Supporting role actress
- Шилдэг найруулагч Directing
- Шилдэг зураглаач Cinematography
- Шилдэг зураач Art direction
- Шилдэг хөгжим Music original score
- Шилдэг дуу Music original song
- Шилдэг монтаж
- Шилдэг дууны найруулагч Sound editing
- Шилдэг зохиол Writing screenplay
- Шилдэг дүрсний эффект Visual effects
- Шилдэг нүүр будалт Make-up
- Шилдэг баримтат кино Documentary (feature)
- Шилдэг хөрөнгө оруулагч Best investor
- Шилдэг богино хэмжээний кино – Short film
"Академийн дээд шагнал" гардуулах ёслол хүндэтгэлийн ажиллагаа нь
- Улаан хивсний ёслол
- Cocktail буюу хүлээн авалтын ажиллагаа
- Шагнал гардуулах ёслол
- After party гэсэн дараалалтайгаар зохион байгуулагдах юм байна.
