Пицца байнга идвэл илүүдэл жинтэй болдог хэмээн эмч, судлаачид өгүүлдэг. Гэтэл итали тогооч Паскуале Коццолино пицца идсээр турж болохыг өөрийн биеэр туршиж баталжээ.
Тэрбээр долоон сарын турш, өөрийн гэр бүлийн 300 жилийн түүхтэй жороор бэлтгэсэн “Маргарита” пиццаг идсэний хүчинд 46 кг-аар гоолиг болж дөнгөсөн байна.
Нью-Йорк хотод нүүж ирээд, том хотын том тавагтай хоолны улмаас ихээхэн жин нэмэх болсон тэрбээр турах ийм өвөрмөц арга сэдсэн ажгуу.
Түмэнд тустай энэ пиццаны орц, найрлага тун энгийн аж. Цайруулаагүй гурил, ус, давс, исгэгч, улаан лоолийн нухаш, базилик болон моццарелла бяслаг. Ийм энгийн пицца идсэнээр, элдэв амттан, бургер, хавчууртай талх идэх дуршлийг үгүй хийж, тарган залууг гоолиг нэгэн болгожээ.
Эх сурвалж www.wikimon.mn
