Цэцэгс гандтал орох бороонд
Чи бид хоёр чимээгүйхэн зогсохдоо уйдсан юм гэж үү
Шиврэн орох борооны тэр дуслууд
Шивнэх үгтэй чинь амтагдаж байна
Өдөржин зүсрэх намрын бороонд чи бид хоёр
Өөр юугаар дутсан юм гэж хэлж мэдэхгүй
Өвсөнд тунарах борооны тэр дуслууд
Өлмийд минь одоо мэдрэгдэж байна
Дахилт: Хайрын дуугаа би дуулмаар байна
Хамтдаа хоёулаа ярьмаар байна
Хайрласан шиг хайрламаар байна
Хамгийн сайхныг амламаар байна
Дурлалын дуугаа дуулмаар байна
Тэврэн суугаад уйлмаар байна
Дурласан шиг дурламаар байна
Тэнгэрт мөргөн гуймаар байна
Навчис гандтал орох бороонд чи бид хоёр
Нар хүрээлэн зогсохдоо уйдсан юм гэж үү
Намиран орох борооны тэр дуслууд
Надад илгээсэн чи минь байсан
Сэрүүхэн амьсгалт намрын бороонд чи бид хоёр
Даахин насаа үдсэн юм гэж хэлж мэдэхгүй
Сэмхэн татрах борооны тэр дуслууд
Дахин учрахыг мартуулсан юм гэж үү
Дахилт: Хайрын дуугаа би дуулмаар байна
Хамтдаа хоёулаа ярьмаар байна
Хайрласан шиг хайрламаар байна
Хамгийн сайхныг амламаар байна
Дурлалын дуугаа дуулмаар байна
Тэврэн суугаад уйлмаар байна
Дурласан шиг дурламаар байна
Тэнгэрт мөргөн гуймаар байна
