Хос шувууд нуурандаа шөнөжин дуулах юм
Хонгор чи минь наддаа өдөржин бодогдох юм
Шувуудын ганганаанд уулс нь уярах юм
Чинийхээ сэтгэлд би хайлах юм
Дахилт:
Нуур нь амгалан бол
Шувууд нь жаргалтай
Чи минь дэргэд байвал
Би жаргалтай
Ижил шувууд тэнгэртээ халин нисэх юм
Энхрий чи минь наддаа эрхлэн наадах юм
Тэнгэрийн шувууд нь нартай ханьсах юм
Чи бидэн хоёр хайраар ижилсэх юм
Дахилт:
Тэнгэр нь нартай бол
Шувууд нь жаргалтай
Чи минь дэргэд байвал
Би жаргалтай
Нартайхан хур нь солонгорон буух юм
Нандин үгээ чи минь хэлэх юм даа
Хурын солонгонд нутаг нь баясах юм даа
Хайрын чинь үгэнд би жаргах юм даа
Дахилт:
Нартай хуртай бол
Нутаг минь жаргалтай
Чи минь дэргэд байвал
Би жаргалтай
нуур нь амгалан бол
Шувууд нь жаргалтай
Чи минь дэргэд байвал би жаргалтай
