Будантаж дүнхийн харагддаг
Булган хангайн уул уу даа
Буцаад ирэхийг минь хүлээсэн
Буянтай буурал ээж минь үү дээ
Оломгүй далайд цутгадаг
Орхон түшээ мөрөн үү дээ
Олдошгүй билиг заяасан
Орчлонд ганцхан ээж минь үү дээ
Цайран гэрэлтэж харагддаг
Цагаан хайрхан уулуу даа хө
Сэвлэгтэй багад минь үүрсэн
Сэтгэл минь цайлган ээж минь үү дээ
Сэрүүн зүүдэнд мяралздаг
Сэлэнгэ түшээ мөрөн үү дээ хө
Сүүн хайраа заяасан
Санаанд ганцхан ээж имнь үү дээ
Мэлмий нээхээс тэвэрсэн
Мээж хайрхан уулуу даа хө
Мэдээ орохоос энэрсэн
Миний л сайхан ээж минь үү дээ хө
