Холливудын жүжигчин Анжелина Жоли жүжигчин Сальма Хайектай тогтоосон дотно нөхөрлөлийнхөө талаар ярьж, тэдний хоорондын холбоо амьдралдаа мэдэрч байсан хамгийн онцгой харилцаануудын нэг гэдгийг хуваалцжээ.
Тэд 2021 онд “Marvel”-ын “Eternals” кинонд хамтран тоглож байсан ч Жолигийн найруулсан “Without Blood” киноны үеэр илүү ойртож, нөхөрлөл нь гүнзгийрсэн байна. Жоли уг бүтээлийг Италийн зохиолч Алессандро Бариккогийн 2002 оны ижил нэртэй зохиолоос сэдэвлэн найруулж, Хайек Демиан Бичирийн хамт гол дүрд тогложээ.
Жоли тэдний нөхөрлөл амьдралынх нь хожуу үед бий болсон нь онцгой санагддаг хэмээн ярьжээ. Түүний хэлснээр, тэд амьдралынхаа туршид өөр өөр зүйл туулсан ч олон ижил төстэй туршлага хуримтлуулсны эцэст ижил төстэй байр сууринд хүрсэн аж. Харан Хайек тэдний харилцаа үргэлж тайван байдаггүй ч энэ нь тэдний дотно байдлын нэг хэсэг гэдгийг ярьжээ.
“Without Blood” кино 2024 онд Торонтогийн олон улсын кино наадамд нээлтээ хийсэн бөгөөд 2026 оны есдүгээр сарын 18-наас кинотеатруудаар гарч эхэлжээ.
Мөн Хайек, Жоли нар цаашид дахин хамтран ажиллахаар төлөвлөж байгаа аж. Хайек найруулагчаар ажиллаж, Жоли продюсерын үүрэг гүйцэтгэх шинэ төслийн талаар тэд 2024 оны Торонтогийн кино наадмын үеэр ярьж байсан байна.
