Өнгөрсөн долоо хоногийн сүүлчээр Бельгийн түүхэнд хамгийн том сугалааны хонжворын эзэн болсон Брюссель хотын нэгэн цэвэрлэгч эр шинэ долоо хоногийн эхний өдөр ажилдаа гараагүй байна. Сугалааны албан ёсны сайт дээр мэдээлснээр бол түүний хожлын хэмжээ 168 сая евро болсон гэнэ. Энэ хожил Бельгид аз нь шовойсон 12 дахь шагнал болсон бөгөөд өмнө нь тус улсын нэгэн иргэн 100 сая еврогийн хожил авч байсан түүхтэй.
Аюулгүй байдлыг нь хангах үүднээс ялагч эрийн нэрийг зарлаагүй хэдий ч түүний гэрэл зургийг нийтэлжээ. 45 настай цэвэрлэгч эр албани гаралтай нэгэн бөгөөд дөрвөн хүүхдийн эцэг аж. Азтан хөлбөмбөг, загасны махаар хийсэн хоол, Роберт де Нирогийн тоглосон кинонуудад дуртай нэгэн бөгөөд сүүлийн 10 жилийн хугацаанд сугалааны тасалбар худалдаж авсан байна. Хожлын мөнгөнөөсөө тэрбээр үгээгүй хүмүүст тусламж үзүүлэхээр төлөвлөжээ.
Эх сурвалж www.wikimon.mn
