Ивээлт намрын уриан дуунаар
Илгээлт аваад говийг зорьсон
Мянга мянган төлийн аварга
Миний хонгор сайн байна уу?
Таван эрдэнийн сүрэг налайсан
Тансаг баян хөдөө нутагтаа
Сүрэг малаа өсгөн нэмээд
Шүтсэн хөдөлмөр бахтай байна аа
Өндөр сайхан барилга босгох
Өндөр бүтээлд үүрэг аваад
Өрлөг хийх ажилд шамдан
Өдрийнхөө нормоо давуулж явна би
Мэнд төлчний болзол хангаад
Миний хүсэл биелж байна аа
Эрдэнэт сүргээ өсгөж үржүүлээд
Энх сүрэгтэн боллоо би
Сүрэг малаа түмээр өсгөсөн
Сүргийн эзэн чамайг хүлээх
Хүсэл сэтгэл надад байна
Хүлээхийн жаргалаар дүүрэн байна
Амраг сэтгэл нийлсэн болохоороо
Амьдран суухын тавилан байна аа
Хайрын сэтгэл үнэнч болохоор
Ханилан суухын жаргал байна
Нандигнан хайрлах нийгмийн өмчийг
Алхам тутамдаа нүдлэн хамгаалж
Хир буртаг өчүүхэн ч хүргэхгүй
Цэвэр ариун байлгах ёстой
Ариун цагаан хөдөлмөр шүтсэн
Ажилчин, малчин алдраа мандуулсан
Хоньчин, барилгачин бидний хурим
Хөдөө хотын нэгэнд болно оо
Хөдөө хотын нэгэнд болно оо
