Монгол улсын нэр, Баян-Өлгий аймгийн зон олны аж амьдрал, ахуй соёлыг дэлхий дахинд түгээж чадсан бүргэдчин охин Н.Айшолпан “The Eagle Huntress” киноны гол дүр болж чадсан. Бяцхан биендээ багтамгүй эр зориг, тэсвэр тэвчээрийг гаргасан Н.Айшолпан охины гараас дүүлэн ниссэн бүргэд адил түүний нэр хүнд ч холливуд даяар алдаршсан билээ.
Н.Айшолпан охин Британийн BBC агентлагийн гэрэл зурагчны дуранд өртөж, баримтат киноны гол дүрийг бүтээсэн гэдэг. Тэгвэл тус баримтат кино
Олон улсын Хэмптонсын кино наадамд түрүүлсэн тухай мэдээлэл цацагдаж эхэллээ. Тус наадамд түрүүлснээр “Бүргэдчин охин” кино Оскарын шилдэг гадаад киноны төрөлд нэр дэвших боломжтой болж байгаа юм байна. Тэгвэл Н.Айшолпаны тоглосон ““The Eagle Huntress” баримтат кино ирэх сарын 2-нд Нью-Йорк, Лос-Анжелест нээлтээ хийхээр товлогдсон байна. Энэхүү уран бүтээл ирэх сарын 25 хүртэл АНУ-ын 100 гаруй хотод нээлтээ хийж үзэгчдийн хүртээл болох аж
