35 настай жүжигчин Жэссика Альба гоолиг сайхан биеэрээ бөмбөрцгийн эрчүүд, хүүхнүүдийн атаархлыг төрүүлдэг. Та байнгын дасгал, хөдөлгөөн, фитнесээр уйгагүй хичээллэсний үр дүнд түүнийг ийм сайхан бие хаатай гэж бодож байна уу? Үгүй гэнэ дээ…
Хувийн бизнес, охиддоо анхаарал тавих, хүмүүжүүлэх гээд өдөр тутмынхаа ажилдаа түүртэж, байнга стрессдсэнээсээ болж турж, ийм гоолиг "эцэнхий" биетэй байдгаа Эллен ДеЖенересийн шоунд оролцох үеэрээ ярьсан байна.
"Би байнга л өөртөө усанд сэлж, фитнесээр хичээллэх хэрэгтэй хэмээн өөртөө лүндэн буулгадаг ч үнэхээр амждаггүй. Магадгүй сэтгэлийн хямралаас болж ихээр ялгардаг адреналины "ачаар" ийн турдаг юм болов уу? Энэ л зөв зүйтэй тайлбар байх даа" хэмээн аргаа ядсан Альба учирлажээ.
