Баганатай бүжиг буюу “Pole dance” нь 1920 оноос Америкт дэлгэрсэн түүхтэй. Ил задгай хувцаслан, уян налархай хөдөлдөг болохоор ихэнх улсад зөвхөн шөнийн цэнгээний газар байдаг тайчигч, стриптиз үзүүлэгчид хэмээн хүлээн авсан байдаг.
Тэгвэл манай улсын хувьд энэ ойлголт бүжгийн нэгэн төрөл гэдгээрээ хүлээн зөвшөөрөгдөөд удаагүй. Өнгөрөгч долоо хоногийн цахим ертөнцийг шуугиулаад байсан Авьяаслаг Монголчууд шоуны оролцогч Цэнгүүн“Pole dance” үзүүлбэр үзүүлж шүүгчид төдийгүй үзэгчдийн талархлыг хүлээгээд буй.
Тэгвэл тус бүжгийн холбооныхон Олон улсын олимийн хороонд хүсэлт гаргасан нь олон нийтийн анхаарлыг татаад байна. Учир юу гэвээс “Pole dance” бүжиг нь спортын нэгэн төрөл гэдгийг хүлээн зөвшөөрүүлж, томоохон спортын наадмуудад оруулах хүсэлтэй байгаа тухай аж.
Эх сурвалж: Zone.mn
Д.Цэцэг
